Bollywood Movie| એક યહુદી સંગઠને એમોઝોન પ્રાઈમને પત્ર લખીને તેની સ્ટ્રીમિંગ સર્વિસ પ્લેટફોર્મથી હાલમાં જ રિલીઝ થયેલી બોલિવુડ ફિલ્મ ‘બવાલ’ને હટાવવા કહ્યું છે. સંગઠનને આરોપ લગાવ્યો છે કે ફિલ્મમાં યહુદિયોના નરસંહારનું ‘અસંવેદનશીલ ચિત્રણ’ કરવામાં આવ્યું છે.
સાઈમન વીજેન્થનાલ સેન્ટરે કહ્યું છે કે, લાખો લોકોની હત્યા અને અત્યાચારને ફિલ્મમાં ખૂબ હલ્કી રીતે દર્શાવવામાં આવ્યું છે. આ રોમેન્ટિક ડ્રામા ફિલ્મમાં જે રીતે હોલોકાસ્ટનો ઉપયોગ કરવામાં આવ્યો છે, તેની આલોચના ભારતમાં પણ ઘણા લોકોએ કરી છે.
શુક્રવારે એમેઝોન પ્રાઈમ પર રિલીઝ થઈ ફિલ્મ
ગયા શુક્રવારે આ ફિલ્મને એમેઝોન પ્રાઈમ વીડિયો પર રિલીઝ કરવામાં આવી. ફિલ્મ ક્રિટિક્સ અને દર્શકોએ તેના દ્રશ્યો અને ડાયલોગની આલોચના કરી છે જેમાં હીરોની લવ સ્ટોરીની તુલના હોલોકાસ્ટ સાથે કરવામાં આવી છે. આ ફિલ્મમાં ગેસ ચેમ્બરમાં એક ફેન્ટસી સીનને શામેલ કરવામાં આવ્યો છે અને ઓશવિટ્ઝ ડેથ કેમ્પનો ઉપયોગ કરવામાં આવ્યો છે.
હિરો ઈતિહાસનો શિક્ષક છે અને ઈન્સ્ટાગ્રામ રીલના માધ્યમથી દ્વિતીય વિશ્વયુદ્ધ વિશે પોતાના સ્ટૂડન્ટ્સને પરિચિત કરવાનો તેનો હેતુ છે. હિરોઈન પોતાના લગ્નને બચાવવા માટે એક છેલ્લો પ્રયત્ન કરવા માંગે છે.
અત્યાર સુધી 60થી 70 લાખ લોકોએ જોઈ છે ફિલ્મ
બોલિવુડના પ્રદર્શનોને ટ્રેક કરનાર વેબસાઈટે ફિલ્મ બવાલને વ્યાવસાયિક રીતે હિટ ફિલ્મ જાહેર કરી છે. આ વેબસાઈટ મુજબ અત્યાર સુધી ફિલ્મને 60થી 70 લાખ લોકોએ જોઈ છે. ગુરૂવારે આ ફિલ્મ પ્રાઈમ વીડિયો એપ પર ટોપ ટેન ઈન્ડિયા લિસ્ટમાં શામેલ હતી.
