લોકસભા ચૂંટણી પહેલા હરિયાણામાં ભાજપ અને જનનાયક જનતા પાર્ટી એટલે કે JJPનું ગઠબંધન તૂટ્યું છે. CM મનોહર લાલે ખટ્ટરે રાજીનામું આપ્યું છે. મુખ્યમંત્રી મનોહર લાલ સવારે 11.50 વાગ્યે રાજભવન પહોંચ્યા હતા અને રાજ્યપાલને તેમની સમગ્ર કેબિનેટનું રાજીનામું સોંપ્યું હતું.
પહેલા ભાજપના પ્રદેશ અધ્યક્ષ નાયબ સૈનીને મુખ્યમંત્રી બનાવવાની ચર્ચા હતી પરંતુ સૂત્રોએ ભાસ્કરને જણાવ્યું કે ખટ્ટર સીએમ બનશે.
હાલમાં હરિયાણા ભાજપ ધારાસભ્ય દળની બેઠક ચાલી રહી છે, જેમાં નવા નેતાની જાહેરાત કરવામાં આવશે. નવા મુખ્યમંત્રી સાંજે 5 વાગ્યે રાજભવન ખાતે શપથગ્રહણ કરશે.
લોકસભામાં સીટ શેરિંગ મામલે ગઠબંધન તૂટ્યું
JJP લોકસભા ચૂંટણીમાં હરિયાણામાં 1 થી 2 બેઠકોની માંગ કરી રહી હતી, જ્યારે ભાજપનું કેન્દ્રીય નેતૃત્વ અને રાજ્ય સંગઠન તમામ 10 બેઠકો પર પોતાની રીતે ચૂંટણી લડવા માગે છે. આ કારણે ગઠબંધન તૂટ્યુ.
JJPના રાષ્ટ્રીય મહાસચિવ અને હરિયાણાના ડેપ્યુટી સીએમ દુષ્યંત ચૌટાલા સોમવારે દિલ્હીમાં બીજેપીના રાષ્ટ્રીય અધ્યક્ષ જેપી નડ્ડાને મળ્યા હતા પરંતુ સીટ વહેંચણી અંગે કોઈ ચર્ચા થઈ ન હતી. દુષ્યંત દિલ્હીમાં અમિત શાહને ફરી મળવા માટે સમય માંગ્યો છે. જોકે, આ બેઠક થશે કે નહીં તે નક્કી નથી.
ગઠબંધન તૂટ્યું, પરંતુ ભાજપ પાસે બહુમત છે
હરિયાણામાં જેજેપી સાથે ગઠબંધન તૂટી ગયું પરંતુ ભાજપ પાસે બહુમત છે. હરિયાણામાં વિધાનસભાની 90 બેઠકો છે. જેમાંથી ભાજપના પોતાના 41 ધારાસભ્યો છે. તેને 6 અપક્ષ અને એક હલોપા (HLP)ના ધારાસભ્યનું સમર્થન છે, એટલે કે ભાજપ પાસે 48 ધારાસભ્યો છે. બહુમત માટે 46 બેઠકો જરૂરી છે.
JJPમાં બળવો, 5 ધારાસભ્યોએ બેઠકમાં પહોંચ્યા નહીં
ભાજપ સાથે ગઠબંધન તોડ્યા બાદ JJPમાં બળવો થયો છે. JJPએ દિલ્હીમાં તમામ 10 ધારાસભ્યોની બેઠક બોલાવી હતી, પરંતુ 5 ધારાસભ્યો પહોંચ્યા નથી. સૂત્રોના જણાવ્યા અનુસાર આ તમામ ચંદીગઢમાં છે અને ભાજપના સંપર્કમાં છે.
અપક્ષ ધારાસભ્યો ચંદીગઢ પહોંચ્યા હતા.
ભાજપ સરકાર બનાવવાનો દાવો રજૂ કરશે
રાજીનામા બાદ બીજેપી ફરી સરકાર બનાવવાનો દાવો રજૂ કરશે. સરકારી સૂત્રોના જણાવ્યા અનુસાર સીએમ મનોહરની સાથે લગભગ 5 મંત્રીઓ શપથ લેશે. સાંજે 5 વાગ્યે રાજભવન ખાતે શપથ ગ્રહણ સમારોહ યોજાશે, જેમાં સીએમની સાથે અન્ય મંત્રીઓ પણ શપથ લેશે.
આ વખતે બે ડેપ્યુટી સીએમ હશે
આ વખતે ભાજપ સરકારમાં મુખ્યમંત્રીની સાથે બે ડેપ્યુટી સીએમ બનાવવાની ચર્ચા છે. આ માટે રણજીત સિંહ ચૌટાલા અને એક અપક્ષ ધારાસભ્યના નામ સામે આવ્યા છે. સૂત્રોના જણાવ્યા અનુસાર આદમપુરના ભવ્ય બિશ્નોઈને પણ કેબિનેટમાં સ્થાન આપવામાં આવી શકે છે.
આ 2 કારણોથી ગઠબંધન અંગે ચર્ચા
1. દુષ્યંતે મીડિયા સાથે વાત કરી ન હતી: ડેપ્યુટી સીએમ દુષ્યંત ચૌટાલાએ સોમવારે દિલ્હીમાં ભાજપના રાષ્ટ્રીય અધ્યક્ષ જેપી નડ્ડા સાથે મુલાકાત કરી હતી. તેમણે મીડિયા સાથે વાત કરી ન હતી. જોકે પહેલા તેઓ બેઠક પછી ચોક્કસપણે મીડિયા સાથે વાત કરતા હતા. ચૌટાલા-નડ્ડા બેઠક બાદ ગઠબંધનને લઈને ભાજપના કોઈપણ નેતા દ્વારા કોઈ નિવેદન આપવામાં આવ્યું નથી. પાર્ટીના કેટલાક નેતાઓ પણ આ અંગે મૂંઝવણભરી સ્થિતિમાં છે.
2. ભાજપ સેફ ઝોનમાં: હરિયાણામાં ભાજપ સેફ ઝોનમાં છે. હરિયાણામાં જેજેપી સાથે ગઠબંધન તૂટી ગયું પરંતુ ભાજપ પાસે બહુમત છે. હરિયાણામાં વિધાનસભાની 90 બેઠકો છે. જેમાંથી ભાજપના પોતાના 41 ધારાસભ્યો છે. તેને 6 અપક્ષ અને એક હલોપા (HLP)ના ધારાસભ્યનું સમર્થન છે, એટલે કે ભાજપ પાસે 48 ધારાસભ્યો છે. બહુમત માટે 46 બેઠકો જરૂરી છે.
