હૃદયદ્રાવક ઘટના: બાળકને બચાવવા દોડ્યો ફાયરકર્મી, પણ માસૂમ અને સર્ગભા માતાનું મોત

અમદાવાદ: એક કરુણ ઘટનામાં, એક ફાયરકર્મીએ આગમાં ફસાયેલા બાળકને બચાવવા માટે પોતાનો જીવ જોખમમાં મૂક્યો, પરંતુ કમનસીબે બાળક અને તેની સર્ગભા માતા બંનેને બચાવી શકાયા નહીં. આ ઘટનાનો હૃદયસ્પર્શી વિડીયો સોશિયલ મીડિયા પર વાયરલ થયો છે, જેમાં ફાયર ઓફિસર પંકજ રાવલ બાળકને પોતાની છાતી સરસું ચાંપીને હોસ્પિટલ સુધી દોડતા જોવા મળે છે. મળતી માહિતી મુજબ, શહેરના એક વિસ્તારમાં લાગેલી ભીષણ આગમાં એક પરિવાર ફસાયો હતો. જાણ થતા જ ફાયર બ્રિગેડની ટીમ ઘટનાસ્થળે પહોંચી અને બચાવ કામગીરી શરૂ કરી હતી. આ દરમિયાન, ફાયર ઓફિસર પંકજ રાવલે આગના જોખમ વચ્ચે એક નાના બાળકને જોયો. પળેકનો પણ વિલંબ કર્યા વિના, પંકજ રાવલ આગની લપેટો વચ્ચેથી બાળકને ઉંચકી લાવ્યા અને તેને પોતાની છાતી સાથે ચાંપી દીધો. વિડીયોમાં જોઈ શકાય છે કે પંકજ રાવલ બાળકને તાત્કાલિક સારવાર માટે નજીકની 108 એમ્બ્યુલન્સ સુધી દોડી રહ્યા છે. તેમના ચહેરા પર બાળકને બચાવવાની તીવ્ર ઈચ્છા અને ચિંતા સ્પષ્ટ દેખાઈ રહી છે. જો કે, તમામ પ્રયત્નો છતાં, બાળકને બચાવી શકાયો નહીં. આ દુઃખદ ઘટનામાં બાળકની સર્ગભા માતાનું પણ મોત નીપજ્યું છે. ફાયર ઓફિસર પંકજ રાવલની આ માનવીય અને હિંમતભરી કામગીરીની ચારેબાજુ પ્રશંસા થઈ રહી છે. લોકો તેમના સાહસ અને ફરજ પ્રત્યેની નિષ્ઠાને સલામ કરી રહ્યા છે. તેમ છતાં, બાળક અને તેની માતાને ગુમાવવાનું દુઃખ સૌ કોઈ અનુભવી રહ્યા છે. આ ઘટનાએ ફરી એકવાર ફાયર વિભાગના કર્મચારીઓના ખતરાથી ભરેલા કામ અને તેમની નિઃસ્વાર્થ સેવાને ઉજાગર કરી છે. પોતાની જાનની પરવા કર્યા વિના અન્યના જીવ બચાવવા માટે તેઓ હંમેશા તત્પર રહે છે. આ દુઃખદ ઘટનામાં મૃતકોના પરિવારજનો પ્રત્યે સંવેદના વ્યક્ત કરવામાં આવી રહી છે.