149
અમદાવાદ શહેરમાં ફરી એકવાર રફતારનો કહેર જોવા મળ્યો છે. શહેરના એસજી હાઈવે પર એક મોંઘી દાટ કારે ફૂલ સ્પીડમાં એક બાઇકને ટક્કર મારી હતી અને ચાલક ફરાર થઈ ગયો હતો. આ અકસ્માતમાં રાહુલ ભાટિયા નામના વ્યક્તિને ગંભીર ઈજાઓ પહોંચી છે.
જ્યારે આ અકસ્માત સર્જાયો ત્યારે આસપાસના લોકો મદદ માટે એકઠા થયા હતા. તે દરમિયાન, પાછળથી એક એક્ટિવા ચાલકે અન્ય બે લોકોને ટક્કર મારી હતી. આમ, આ ઘટનામાં કુલ પાંચ લોકો ઈજાગ્રસ્ત થયા છે.
ઘટનાની જાણ થતાં તાત્કાલિક અસરથી તમામ ઇજાગ્રસ્તોને સોલા સિવિલ હોસ્પિટલમાં સારવાર માટે ખસેડવામાં આવ્યા છે. એસજી 1 ટ્રાફિક પોલીસે ઘટનાસ્થળે પહોંચી પ્રત્યક્ષદર્શીઓના નિવેદનો લીધા છે અને વધુ તપાસ હાથ ધરી છે. ફરાર કાર ચાલકની શોધખોળ પણ શરૂ કરવામાં આવી છે. આ ઘટનાએ ફરી એકવાર શહેરમાં વાહન ચલાવવાની બેદરકારી અને સ્પીડના જોખમને ઉજાગર કર્યો છે.
