દુકાનદાર પ્રવિણભાઈ માણેકચંદ પ્રજાપતિએ નોંધાવેલી ફરિયાદ અનુસાર, તેમની દુકાન પાસે કોઈ શંકાસ્પદ વ્યક્તિ જણાતા તેઓ સોસાયટીના સેક્રેટરી પાસે CCTV ફૂટેજ ચેક કરવા ગયા હતા.
વિવાદનું કારણ: સેક્રેટરીએ “કેમેરા દુકાનદારો માટે નથી” તેમ કહી ફૂટેજ બતાવવાનો ઇનકાર કર્યો હતો.
હુમલો: આ બાબતની અદાવત રાખી રાત્રિના સમયે કિશન પટેલ અને અન્ય 8 થી 9 લોકોના ટોળાએ દુકાને આવી ગાળો ભાંડી હતી.
ધમકી: ફરિયાદીનો આક્ષેપ છે કે તેમને ગડદાપાટુનો માર મારવામાં આવ્યો અને “દુકાન ખાલી કરી દો નહીતર જાનથી મારી નાખીશું” તેવી ધમકી આપવામાં આવી હતી.
રહેવાસીઓનો આક્ષેપ: “સમજાવવા ગયા તો કાચની બોટલોથી હુમલો કર્યો”
બીજી તરફ, સોસાયટીના સભ્ય સચિનભાઈ હિંમતભાઈ પટેલે પણ વળતી ફરિયાદ નોંધાવી છે. તેમના જણાવ્યા મુજબ:
ઘટનાક્રમ: સવારે સેક્રેટરી સાથે થયેલી માથાકૂટ બાદ સોસાયટીના વ્હોટ્સએપ ગ્રુપમાં ચર્ચા થઈ હતી. આથી રાત્રે સોસાયટીના સભ્યો દુકાનદારને શાંતિથી સમજાવવા ગયા હતા.
હિંસક વળાંક: સમજાવટ દરમિયાન દુકાનદાર પ્રવિણ, તેના ભાઈઓ અને માતા ઉશ્કેરાઈ ગયા હતા અને ગાળાગાળી શરૂ કરી હતી.
ઈજાઓ: આક્ષેપ છે કે પ્રવિણે કાચની બોટલ ફેંકતા સચિનભાઈને કપાળે ઈજા થઈ હતી. જ્યારે પ્રવિણની માતાએ બોટલ મારતા અન્ય એક સભ્યને માથામાં ગંભીર ઈજા થતા 6 ટાંકા આવ્યા હતા.
પોલીસ કાર્યવાહી
ઘટનાની જાણ થતા જ અડાલજ પોલીસનો કાફલો તાત્કાલિક સ્થળ પર દોડી ગયો હતો અને પરિસ્થિતિ પર કાબૂ મેળવ્યો હતો. પોલીસે બંને પક્ષોની રજૂઆતો સાંભળીને ગુનો દાખલ કર્યો છે. હાલ પોલીસ આ મામલે સીસીટીવી ફૂટેજ અને સાક્ષીઓના આધારે વધુ તપાસ ચલાવી રહી છે.
