અમદાવાદ: શહેરમાં પ્રોહિબિશન અને જુગારની બદીને નાબૂદ કરવા માટે પોલીસ કમિશનર જી.એસ. મલિક અને ઉચ્ચ અધિકારીઓની સૂચના હેઠળ ચાલી રહેલી ડ્રાઈવ દરમિયાન LCB ઝોન-4 ની ટીમને મોટી સફળતા મળી છે. સરદારનગર પોલીસ સ્ટેશન વિસ્તારમાં આવેલા કુબેરનગરના એક મકાન પર દરોડો પાડી પોલીસે દેશી-વિદેશી દારૂ અને બીયરના જથ્થા સાથે એક મહિલાની ધરપકડ કરી છે.
ચોક્કસ બાતમીના આધારે કાર્યવાહી
LCB ઝોન-4 ના પોલીસ સબ ઇન્સ્પેક્ટર એસ.એમ. પટેલ અને તેમની ટીમ પેટ્રોલિંગમાં હતી, તે દરમિયાન તેમને ચોક્કસ બાતમી મળી હતી કે નેશનલ હેન્ડલૂમ પાછળ, કેકાડીવાસમાં રહેતી નીતુબેન પરમાર પોતાના ઘરે દારૂનો જથ્થો રાખી વેચાણ કરી રહી છે. આ બાતમીના આધારે પોલીસે દરોડો પાડતા ઘરના વેચાણ માટે રાખેલ મુદ્દામાલ મળી આવ્યો હતો.
કબ્જે કરવામાં આવેલ મુદ્દામાલ
પોલીસે દરોડા દરમિયાન નીચે મુજબનો મુદ્દામાલ જપ્ત કર્યો છે:
દેશી દારૂ: 64 લીટર (કિંમત રૂ. 12,800/-)
વિદેશી દારૂના પ્લાસ્ટિક ક્વાર્ટર: 288 નંગ
બીયર ટીન: 165 નંગ
કુલ મુદ્દામાલની કિંમત: રૂ. 1,31,150/-
આરોપીઓની વિગત
નીતુબેન મંગળભાઇ પરમાર (છારા) (ઉ.વ. 60): સ્થળ પરથી ધરપકડ કરવામાં આવી.
ગુડ્ડી કિશનભાઇ અભવેકર: રહે. છારાનગર (હાલ ફરાર – વોન્ટેડ જાહેર કરાયા).
ચોંકાવનારો ગુનાહિત ઇતિહાસ: > પકડાયેલ મહિલા આરોપી નીતુબેન પરમાર વિરુદ્ધ વર્ષ 2015 થી 2026 સુધીમાં પ્રોહિબિશનના કુલ 140 જેટલા કેસો નોંધાયેલા છે. આ ઉપરાંત તેમની સામે રાયોટિંગનો ગુનો પણ નોંધાયેલ છે અને અગાઉ તેમની સામે પાસા (PASA) હેઠળ પણ કાર્યવાહી કરવામાં આવી ચુકી છે.
ટીમ લિડર અને કામગીરી
આ સફળ કામગીરીમાં LCB ઝોન-4 ના PSI એસ.એમ. પટેલ સહિત ASI રવીન્દ્ર ગંગારામ, જયપાલસિંહ, ભગવાનભાઇ તથા હેડ કોન્સ્ટેબલ સુભાષ મોતીરામ, વિશાલભાઇ, હિતેશભાઇ, જીતુભા અને કોન્સ્ટેબલ પરેશભાઇ, જયદીપસિંહ, દશેક્ષભાઇ તથા મહિલા કોન્સ્ટેબલ અંકિતાબેન જોડાયા હતા.
