રાહુલ ગાંધી ન્યાય યાત્રા રોકી કોર્ટ પહોંચ્યા, માનહાની કેસમાં જામીન મળ્યા

આ સમગ્ર મામલો વર્ષ 2018નો છે, જે કેન્દ્રીય ગૃહમંત્રી અમિત શાહ સાથે સંબંધિત છે. રાહુલ ગાંધી પર અમિત શાહ વિરુદ્ધ અભદ્ર ટિપ્પણી કરવાનો આરોપ હતો.

રાહુલ ગાંધી સવારે 11 વાગે સુલતાનપુર કોર્ટમાં હાજરી આપવા પહોંચ્યા હતા.
આ સમગ્ર મામલો ચૂંટણી દરમિયાનનો છે.
ત્યારે કોંગ્રેસ સાંસદે કેન્દ્રીય ગૃહમંત્રી અમિત શાહ પર ટિપ્પણી કરી હતી.
રાહુલ ગાંધીને આ મામલે કોર્ટ તરફથી ત્રણ વખત નોટિસ મળી છે.
આ વખતે તેમને સુલ્તાનપુરના બીજેપી નેતાની અપીલ પર નોટિસ મળી છે.
કોંગ્રેસના વરિષ્ઠ નેતા જયરામ રમેશે કહ્યું કે રાહુલ ગાંધીને 20 ફેબ્રુઆરીએ સુલતાનપુરની ઉત્તર પ્રદેશ ડિસ્ટ્રિક્ટ કોર્ટમાં હાજર થવા માટે સમન્સ જારી કરવામાં આવ્યું છે. આ મામલો 4 ઓગસ્ટ, 2018ના રોજ ભાજપના એક નેતા દ્વારા દાખલ કરવામાં આવેલા માનહાનિના કેસ સાથે સંબંધિત છે. ભારત જોડો ન્યાય યાત્રા આવતીકાલે સવારે બંધ થશે અને 20 ફેબ્રુઆરીએ બપોરે 2 વાગ્યે અમેઠીના ફુરસતગંજથી ફરી કાર્યક્રમ શરૂ કરશે.