જકાર્તાઃ ઈન્ડોનેશિયાની બાટિક એરના બંને પાઈલટને હંગામી ધોરણે સસ્પેન્ડ કરવામાં આવ્યા છે. તેઓ ફ્લાઇટની મધ્યમાં 153 મુસાફરો અને ક્રૂ સભ્યો સાથે 28 મિનિટ સુધી સૂતા હતા.
એરબસ થોડા સમય માટે તેના માર્ગ પરથી ભટકી ગઈ હતી પરંતુ અંતે તે સુરક્ષિત રીતે ઉતરી ગઈ હતી. આ ઘટના 25 જાન્યુઆરીના રોજ સુલાવેસીથી જકાર્તા તરફ બની હતી.
જકાર્તા એર ટ્રાફિક કંટ્રોલે ઘણી વખત પાઇલટ્સનો સંપર્ક કરવાનો પ્રયાસ કર્યો, પરંતુ 28 મિનિટ સુધી કોઈ જવાબ મળ્યો નહીં. અંતે, મુખ્ય પાયલટ જાગી ગયો અને પછી કોલનો જવાબ આપ્યો અને પ્લેનને સુરક્ષિત રીતે લેન્ડ કરાવ્યું.
અહેવાલો અનુસાર, 32 વર્ષના પાયલટે વિમાનનું નિયંત્રણ તેના સહ-પાયલટને આપી દીધું કારણ કે તે આરામ કરવા માંગતો હતો. પરંતુ, પરિવહન મંત્રાલયના અહેવાલ મુજબ, સહ-પાયલટ પણ ઊંઘી ગયો હતો.
અહેવાલો અનુસાર, સહ-પાયલોટ પણ થાકી ગયો હતો કારણ કે તેની પત્નીએ જોડિયા બાળકોને જન્મ આપ્યો હતો અને તે તેને બાળઉછેરમાં મદદ કરી રહ્યો હતો.
તેઓએ ફ્લાઇટ પહેલાં તબીબી પરીક્ષણો પાસ કર્યા હતા અને આલ્કોહોલ પરીક્ષણો નકારાત્મક હતા.
