અમદાવાદ: પશ્ચિમ રેલવે દ્વારા મુસાફરોની વધતી જતી સંખ્યા અને તેમની સુવિધાને ધ્યાનમાં રાખીને અમદાવાદ અને મુંબઈ વચ્ચે વિશેષ ભાડા પર બે જોડી સુપરફાસ્ટ સ્પેશિયલ ટ્રેનો દોડાવવાનો નિર્ણય લેવામાં આવ્યો છે. આ ટ્રેનો આગામી સમયમાં મુસાફરોને રાહત આપશે.
આ વિશેષ ટ્રેનોની વિગતવાર માહિતી નીચે મુજબ છે:
૧. મુંબઈ સેન્ટ્રલ–અમદાવાદ–મુંબઈ સેન્ટ્રલ એસી સુપરફાસ્ટ સ્પેશિયલ
આ ટ્રેન ૩૧ મે, ૨૦૨૬ (રવિવાર) ના રોજ દોડશે.
ટ્રેન નંબર ૦૯૦૨૧ (મુંબઈ સેન્ટ્રલ – અમદાવાદ): મુંબઈ સેન્ટ્રલથી સવારે ૦૬:૨૦ વાગ્યે ઉપડશે અને તે જ દિવસે બપોરે ૧૨:૪૦ વાગ્યે અમદાવાદ પહોંચશે.
ટ્રેન નંબર ૦૯૦૨૨ (અમદાવાદ – મુંબઈ સેન્ટ્રલ): અમદાવાદથી બપોરે ૧૫:૧૦ વાગ્યે ઉપડશે અને રાત્રે ૨૧:૪૫ વાગ્યે મુંબઈ સેન્ટ્રલ પહોંચશે.
રૂટ અને સ્ટોપેજ: બંને દિશામાં આ ટ્રેન બોરીવલી, વાપી, સુરત, ભરૂચ અને વડોદરા સ્ટેશનો પર ઊભી રહેશે.
ખાસિયત: આ ટ્રેનમાં (શતાબ્દી રેક) એક્ઝિક્યુટિવ ચેરકાર, એસી ચેરકાર, અનુભૂતિ ક્લાસ અને વિસ્ટાડોમ કોચની સુવિધા ઉપલબ્ધ રહેશે.
૨. અમદાવાદ–બાન્દ્રા ટર્મિનસ–વટવા સુપરફાસ્ટ સ્પેશિયલ
આ ટ્રેન ૧ જૂન, ૨૦૨૬ (સોમવાર) ના રોજ દોડશે.
ટ્રેન નંબર ૦૯૦૪૪ (અમદાવાદ – બાન્દ્રા ટર્મિનસ): અમદાવાદથી વહેલી સવારે ૦૩:૫૦ વાગ્યે ઉપડશે અને બપોરે ૧૨:૧૫ વાગ્યે બાન્દ્રા ટર્મિનસ પહોંચશે.
ટ્રેન નંબર ૦૯૦૪૩ (બાન્દ્રા ટર્મિનસ – વટવા): બાન્દ્રા ટર્મિનસથી રાત્રે ૨૩:૪૫ વાગ્યે ઉપડશે અને બીજા દિવસે મંગળવારે સવારે ૦૮:૦૦ વાગ્યે વટવા પહોંચશે.
રૂટ અને સ્ટોપેજ:
૦૯૦૪૪: વડોદરા, ભરૂચ, સુરત, વાપી, પાલઘર અને બોરીવલી.
૦૯૦૪૩: બોરીવલી, પાલઘર, વાપી, ઉધના, વડોદરા, આણંદ અને નડિયાદ.
કોચની સુવિધા: આ ટ્રેનમાં એસી-૩ ટિયર અને સ્લીપર ક્લાસના કોચ રહેશે.
ટિકિટ બુકિંગની વિગતો
ઉપરોક્ત તમામ વિશેષ ટ્રેનો માટેનું બુકિંગ ૩૦ મે, ૨૦૨૬ થી તમામ PRS કાઉન્ટરો અને IRCTC ની સત્તાવાર વેબસાઇટ પર શરૂ થશે. મુસાફરો ટ્રેનના સમય, સ્ટોપેજ અને અન્ય વિગતો માટે રેલવેની સત્તાવાર વેબસાઇટ www.enquiry.indianrail.gov.in ની મુલાકાત લઈ શકે છે.
રેલવે પ્રશાસન દ્વારા મુસાફરોને અગાઉથી ટિકિટ બુક કરાવી લેવા અને મુસાફરી દરમિયાન નિયમોનું પાલન કરવા અનુરોધ કરવામાં આવ્યો છે.
