જૂનાગઢ SOGનો સપાટો: ૨૬.૫ કિલો ગાંજાના મોટા જથ્થા સાથે ૩ શખ્સો ઝડપાયા, મુખ્ય સૂત્રધાર ફરાર

પોલીસે કડકડવીથી આમરોલ રોડ પર સફળ રેડ પાડી અંદાજે ૨૬.૫૩૮ કિલોગ્રામ ગાન્જો જપ્ત કર્યો. ​એન.ડી.પી.એસ. (NDPS) એક્ટ હેઠળ ગુનો નોંધી મુખ્ય ફરાર આરોપીઓની શોધખોળ હાથ ધરી.

by Bansari Bhavsar

જૂનાગઢ:

જૂનાગઢ જિલ્લામાં ગેરકાયદેસર નશીલા પદાર્થોની પ્રવૃત્તિઓ અને ડ્રગ્સના નેટવર્કને નેસ્તનાબૂદ કરવા માટે પોલીસ દ્વારા સઘન ઝુંબેશ ચલાવવામાં આવી રહી છે. આ દરમિયાન જૂનાગઢ સ્પેશિયલ ઓપરેશન ગ્રુપ (SOG) ની ટીમને મળેલી ચોક્કસ બાતમીના આધારે ખામધ્રોલ રોડ પર સફળ દરોડો પાડીને મોટા પ્રમાણમાં વનસ્પતિજન્ય ગાજાનો જથ્થો ઝડપી પાડવામાં આવ્યો છે.

​સફળ ઓપરેશન અને પકડાયેલ મુદ્દામાલ

​પ્રાપ્ત વિગતો અનુસાર, જૂનાગઢ રેન્જ આઈ.જી. રાજકુમાર પાંડિયન અને પોલીસ અધિક્ષક સુબોધ ઓડેદરાની સૂચના તથા માર્ગદર્શન હેઠળ SOG પોલીસ ઇન્સ્પેક્ટર પી.કે. ચાવડા અને તેમની ટીમ સતત વોચમાં હતી. આ દરમિયાન SOG ના એ.એસ.આઈ. વિક્રમભાઈ ચાવડા, હેડ કોન્સ્ટેબલ મેહુલભાઈ અખેડ તેમજ કોન્સ્ટેબલ રોહિતભાઈ ધાપલ અને વિશાલભાઈ ઓડેદરાને મળેલી સંયુક્ત બાતમીના આધારે જૂનાગઢ કડકડવીથી આમરોલ રોડ તરફ જતા રસ્તા પર રેડ કરવામાં આવી હતી.

​પોલીસે તપાસ દરમિયાન અંદાજે ૨૬.૫૩૮ કિલોગ્રામ વજનનો ગાન્જાનો જથ્થો (જેની કિંમત રૂ. ૩,૧૪,૭૧૦ તથા અન્ય મુદ્દામાલ સહિત કુલ રૂ. ૩,૧૫,૮૫૦) જપ્ત કર્યો છે. આ માامله જૂનાગઢ તાલુકા પોલીસ સ્ટેશન ખાતે એન.ડી.પી.એસ. એક્ટ મુજબ ગુનો રજિસ્ટર કરવામાં આવ્યો છે.

​ઝડપાયેલા આરોપીઓના નામ અને સરનામા:

​૧. ઈલ્યાસ ઉર્ફે ટીપુ અલીભાઈ મકરાણી (ઉ.વ. ૩૫, રહે. જૂનાગઢ, દાતાર રોડ, નવા પુલ પાસે)

૨. ઈંતીયાજ ઉર્ફે ડફો અબ્દુલભાઈ સમા (ઉ.વ. ૩૫, રહે. જૂનાગઢ, દાતાર રોડ, સંજય ગેસ એજન્સીની બાજુમાં)

૩. વારીસખાન મહેબૂબખાન પઠાણ (ઉ.વ. ૨૬, રહે. જૂનાગઢ, બામણિયા રોડ, કેમ્બ્રીજ સોસાયટી)

​આરોપીઓની મોડસ ઓપરેન્ડી અને પોલીસ તપાસ:

​પોલીસ પૂછપરછમાં ખુલાસો થયો છે કે મુખ્ય આરોપી અमीर અલીભાઈ મકરાણી (રહે. જૂનાગઢ) દ્વારા ગેરકાયદેસર રીતે આશરે ૨૫ જેટલા પાર્સલ મંગાવીને વારીસખાન મહેબૂબખાન પઠાણના ઘરે સાચવવા આપવામાં આવ્યા હતા. ત્યારબાદ પોતાના માણસો અલ્તાફ મકરાણી અને મુસ્તાકમીયા કાદરી મારફતે છૂટક વેચાણ કરાવવામાં આવતું હતું.

​રાત્રિના સમયે રેડ થશે તેવી બાતમી મળતા વારીસખાને તેના ઘરે રાખેલો ગાન્જાનો જથ્થો સગેવગે કરવા માટે ઈલ્યાસ મકરાણી તથા ઈંતીયાજ સમાને અલ્ટો કાર સાથે મોકલ્યો હતો, અને તેઓ ગાન્જાના ૧૪ પાર્સલ ભરીને સગેવગે કરવા નીકળતા રેડ દરમિયાન ઝડપાઈ ગયા હતા.

​આ ગુનામાં સંડોવાયેલા અન્ય મુખ્ય આરોપીઓ અમીર અલીભાઈ મકરાણી, અલ્તાફ ભીખુદીન મકરાણી અને મુસ્તાકમીયા બાઉદીનમીયા કાદરી (તમામ રહે. જૂનાગઢ) હાલ ફરાર હોય, પોલીસે તેમને ઝડપી પાડવા માટેની ચક્રો ગતિમાન કર્યા છે.

Related Posts