G20 Summit : G20 સમિટમાં PM મોદીએ કહ્યું કે, હવેથી G20ને G21 કહેવામાં આવશે. આફ્રિકન યુનિયનને કાયમી સભ્યપદ મળ્યું છે. ભારતે પોતાની જાતને ગ્લોબલ સાઉથના લીડર તરીકે સ્થાપિત કરી છે. આફ્રિકન યુનિયનમાં 55 દેશો છે. પીએમ મોદીએ કહ્યું, અમે પ્રસ્તાવ મૂક્યો હતો કે આફ્રિકન યુનિયનને G20નું કાયમી સભ્યપદ આપવામાં આવે. મને ખાતરી છે કે તમે બધા આ સાથે સહમત છો. તમારી સંમતિથી હું આગળની કાર્યવાહી શરૂ કરતા પહેલા આફ્રિકન યુનિયનને સભ્ય તરીકે આમંત્રિત કરું છું.
For a #G20, which is more inclusive and more vocal for Global South!
PM @narendramodi warmly invites President @_AfricanUnion & Comoros Azali Assoumani to join other G20 leaders as African Union becomes a permanent member of the G20.
A key outcome of #G20India. pic.twitter.com/ScLTGkQ4G1
— G20 India (@g20org) September 9, 2023
વડા પ્રધાન નરેન્દ્ર મોદીએ સૌપ્રથમ મોરોક્કોમાં ભૂકંપની ઘટના પર દુઃખ વ્યક્ત કર્યું હતું અને મદદની ખાતરી આપી હતી. PM મોદીએ G20 ના અધ્યક્ષ તરીકે તમામ દેશોનું સ્વાગત કર્યું. તેમણે કહ્યું કે, ‘આજે આપણે જ્યાં ભેગા થયા છીએ ત્યાંથી થોડા કિલોમીટર દૂર એક અઢી હજાર વર્ષ જૂનો સ્તંભ છે. તેના પર પ્રાકૃતિક ભાષામાં લખ્યું છે કે માનવતાનું કલ્યાણ હંમેશા સુનિશ્ચિત કરવું જોઈએ. અઢી હજાર વર્ષ પહેલા ભારતની ધરતીએ સમગ્ર વિશ્વને આ સંદેશ આપ્યો હતો. 21મી સદીનો આ સમય સમગ્ર વિશ્વને એક નવી દિશા આપવા જઈ રહ્યો છે. દુનિયા આપણી પાસેથી નવા ઉકેલની માંગ કરી રહી છે. તેથી, આપણે આપણી તમામ જવાબદારીઓ નિભાવીને આગળ વધવું પડશે.’
