મહુવા: ભાવનગર જિલ્લામાં ગુનાખોરી અને ગેરકાયદેસર પ્રવૃત્તિઓ ડામવા માટે પોલીસ અધિક્ષક દ્વારા અપાયેલી સૂચનાને DySP એમ.બી. નકુમ સાહેબે સચોટ રીતે અમલી બનાવી છે. મહુવા ડિવિઝનના ઇન્ચાર્જ નાયબ પોલીસ અધીક્ષક તરીકે ફરજ બજાવતા નકુમ સાહેબની સીધી દેખરેખ હેઠળ મહુવા-ભાવનગર નેશનલ હાઇવે પર ભાદ્રોડ પાસે ચાલતા મોટા કૌભાંડને ખુલ્લું પાડવામાં આવ્યું છે.
તંત્રને સાથે રાખી DySPનો માસ્ટર પ્લાન
આ ઓપરેશનની ખાસિયત એ હતી કે DySP નકુમ સાહેબે માત્ર પોલીસ જ નહીં, પરંતુ પુરવઠા વિભાગ અને GST વિભાગને પણ સાથે રાખી એક સંયુક્ત ટીમ બનાવી હતી. સામાન્ય રીતે આવા કેસમાં માત્ર પોલીસ કાર્યવાહી થતી હોય છે, પરંતુ અહીં GST અને પુરવઠા વિભાગના અધિકારીઓને સાથે રાખીને આરોપીઓને કાયદાના શકાંજામાં મજબૂત રીતે ફસાવવા માટે નકુમ સાહેબે દીર્ઘદ્રષ્ટિ વાપરી હતી.
લોકોની સુરક્ષા અને છેતરપિંડી પર પ્રહાર
નેશનલ હાઇવેથી માત્ર ૩૦ ફૂટના અંતરે, કોઈ પણ સુરક્ષાના સાધનો કે મંજૂરી વગર પંપ ઊભો કરવો એ મોટી દુર્ઘટનાને આમંત્રણ આપવા સમાન હતું. DySP નકુમ સાહેબની ટીમે તપાસમાં જોયું કે:
આરોપીઓ સસ્તા ઈંધણની લાલચ આપી લોકો સાથે છેતરપિંડી કરી રહ્યા હતા.
કોઈ પણ પ્રકારના બિલ વગર સરકારી કરચોરી આચરવામાં આવતી હતી.
પેટ્રોલિયમ નિયમોનું સરેઆમ ઉલ્લંઘન થતું હતું.
કામગીરીની વિગત
DySP એમ.બી. નકુમની આગેવાનીમાં PSI એસ.એ. ઝાલા અને ટીમ દ્વારા કરવામાં આવેલી આ રેઇડમાં:
આશરે ૨૫૦૦ લિટર પેટ્રોલિયમ પ્રોડક્ટ જપ્ત કરાઈ.
રૂ. ૧,૯૨,૫૦૦/- ની કિંમતનો મુદ્દામાલ અને મશીનરી સીઝ કરવામાં આવી.
ત્રણ આરોપીઓ વિરુદ્ધ કડક કલમો હેઠળ ગુનો રજીસ્ટર કરવામાં આવ્યો.
મહત્વની વાત એ છે કે DySP નકુમ દ્વારા જ સ્પોટ પર રેડ કરવામાં આવી હતી.
લોકમુખે ચર્ચા
મહુવા પંથકમાં ચાલતી આવી ગેરકાયદેસર પ્રવૃત્તિઓ સામે DySP નકુમ સાહેબે જે રીતે લાલ આંખ કરી છે, તેનાથી સ્થાનિક જનતા અને કાયદેસરનો વ્યવસાય કરતા વેપારીઓમાં આનંદની લાગણી જોવા મળી રહી છે. પોલીસની આ આક્રમક કામગીરીને કારણે હાઇવે પર ચાલતા ‘બાયો-ડીઝલ’ અને ગેરકાયદે ઈંધણના વેપારીઓમાં ફફડાટ ફેલાઈ ગયો છે.
