RTOમાં સર્વર ડાઉન થતા લાઈસન્સ સહિતના કામ રઝળ્યા

બપોરના 12 વાગ્યા સુધી સર્વર ચાલુ થવાની રાહ જોવાઇ રહી હતી. આ પછી પણ ખોટકાતું રહ્યું હતું. જેના લીધે પાકા લાઇસન્સના રિન્યુ, ડુપ્લીકેટ, એન્ડોર્સમેન્ટ, એડ્રેસ ચેન્જ સહિતના કામ માટે આવેલા હજારો અરજદારોને દસ મિનિટના કામ માટે પણ એકથી ત્રણ કલાક સુધી બેસી રહેવું પડયું હતું. ડ્રાઇવિંગ ટેસ્ટ આપવા આવેલા કેટલાક લોકો તો પરત ચાલ્યા ગયા હતા. જ્યારે કેટલાકે અડધી રજા મૂકીને ગમે તેમ પોતાનો ડ્રાઇવિંગ ટેસ્ટ પૂરો કર્યો હતો. સર્વરની સમસ્યાનો કોઇ ઉકેલ નહીં આવતા પરેશાન અરજદારોએ રોષ કાઢયો હતો કે, વાહનવ્યવહાર વિભાગ દ્વારા ઓનલાઇન સેવામાં વારંવાર મુશ્કેલીઓ સર્જાય છે. લોકોને આરટીઓના ધક્કા ખાવા પડે છે. અધિકારીઓ કોઇનું સાંભળતા નથી. જેનું નિરાકરણ આવતું નથી.