અમદાવાદ:
ગુજરાત રાજ્યમાં સુરક્ષાને લઈને એકાએક હલચલ મચી ગઈ છે, કારણ કે અમદાવાદ સહિત રાજ્યભરની જેલોને બોમ્બથી ઉડાવી દેવાની ધમકી આપવામાં આવી છે. કોઈ અજાણ્યા શખ્સ દ્વારા ઈમેલ મોકલીને આ ગંભીર ધમકી આપવામાં આવી હોવાનું સામે આવ્યું છે.
કઈ-કઈ જગ્યાઓને નિશાન બનાવવાની ધમકી?
પ્રાપ્ત માહિતી અનુસાર, DGP ઓફિસને આ ધમકીભર્યો ઈમેલ મળ્યો છે. આ ઈમેલમાં નીચે મુજબના સ્થળોનો ઉલ્લેખ કરવામાં આવ્યો છે:
રાજ્યની તમામ જેલો
રાજ્યની DGP ઓફિસ, ગાંધીનગર
કલેક્ટર ઓફિસ
એક મંદિર
ઈમેલમાં શું લખ્યું હતું?
આ ધમકીભર્યા ઈમેલમાં (સોર્સ મુજબ: <hindumurda@astermail.org> પરથી મોકલાયેલ) ઉલ્લેખ કરવામાં આવ્યો છે કે, “ગુજરાત ડીજીપી ઓફિસ અને ડીસી ઓફિસ… અને ગુજરાત જેલ… ડોન્ટ ફોર્ગોટ 2008 (2008 ના ભૂલતા)… નાઉ બિગ સરપ્રાઈઝ ફોર ઈન્ડિયન ગવર્મેન્ટ…” આ સાથે ઈમેલમાં ખાલિસ્તાન અને પાકિસ્તાન વિરોધી/સમર્થનમાં નારેબાજી તથા ઉશ્કેરણીજનક શબ્દોનો ઉપયોગ કરવામાં આવ્યો છે.
પોલીસ અને બોમ્બ સ્કવોડ દ્વારા સઘન તપાસ શરૂ
આ ધમકી મળતા જ રાજ્યની પોલીસ અને સુરક્ષા એજન્સીઓ તાત્કાલિક હરકતમાં આવી ગઈ છે.
રાજ્યની તમામ જેલોમાં સઘન ચેકિંગ અને તપાસ શરૂ કરી દેવામાં આવી છે.
બોમ્બ સ્કવોડ (Bomb Squad) અને ડોગ સ્કવોડ (Dog Squad) ની મદદથી શંકાસ્પદ સ્થળોની ઝીણવટભરી તપાસ હાથ ધરવામાં આવી રહી છે.
સ્થાનિક પોલીસની ટીમો પણ તાત્કાલિક ધોરણે જેલ અને સંવેદનશીલ સ્થળો પર પહોંચી ગઈ છે અને સુરક્ષા સઘન બનાવી દેવામાં આવી છે.
