અમદાવાદ: શહેરમાં રહેતા લોકો માટે ખૂબ જ મોટા સમાચાર છે. અમદાવાદ મહાનગરપાલિકા (AMC) એ સુભાષબ્રિજને ૫ દિવસ માટે બંધ કરવાનો નિર્ણય લીધો છે.
સાબરમતી નદી પર આવેલો આ બ્રિજ શહેરના પૂર્વ અને પશ્ચિમ વિસ્તારને જોડતો મુખ્ય રસ્તો છે.
બ્રિજ બંધ થવાનું કારણ શું છે?
સુભાષબ્રિજના વચ્ચેના ભાગમાં (એક્સપાન્શન જોઈન્ટ નજીક) ગંભીર તિરાડ જોવા મળી છે.
લોકોની સુરક્ષા માટે AMC દ્વારા આ બ્રિજને તાત્કાલિક અસરથી ૪ ડિસેમ્બર, ૨૦૨૫થી વાહન વ્યવહાર અને રાહદારીઓની અવર-જવર માટે બંધ કરવામાં આવ્યો છે.
બ્રિજ પર ડિટેઇલ ઇન્સ્પેક્શન અને મેન્ટેનન્સની કામગીરી શરૂ કરવામાં આવી છે.
AMCના અંદાજ મુજબ, આ કામગીરી પૂર્ણ થયા પછી ૮ ડિસેમ્બર, ૨૦૨૫ના રોજ સવારથી બ્રિજ ફરી ખોલી શકાશે.
વાહનો માટે વૈકલ્પિક માર્ગો (Traffic Diversion)
સુભાષબ્રિજ બંધ હોવાથી ટ્રાફિક પોલીસે નીચે મુજબના વૈકલ્પિક રસ્તાઓ જાહેર કર્યા છે. વાહનચાલકોને આ માર્ગોનો ઉપયોગ કરવા અપીલ કરવામાં આવી છે.
૧. ચાંદખેડા/સાબરમતીથી દિલ્હી દરવાજા/શાહીબાગ તરફ જવું હોય તો:
ચિમનભાઈ પટેલ બ્રિજ પરથી ઉતરીને
પ્રબોધરાવળ સર્કલ થઈને
રાણીપ ડી-માર્ટ અને નવા રોડ ઉપર થઈને
વાડજ સર્કલ થઈને
દધિચી બ્રિજ ઉપરથી થઈને દિલ્હી દરવાજા, શાહીબાગ, કે સિવીલ હોસ્પિટલ તરફ જઈ શકાશે.
૨. ચાંદખેડા/સાબરમતીથી સિવિલ હોસ્પિટલ તરફ જવું હોય તો:
ભાટ-કોટેશ્વર રોડ થઈને
ઇન્દિરા બ્રિજ થઈને
એરપોર્ટ રોડ થઈને સિવિલ હોસ્પિટલ તરફ જઈ શકાશે.
૩. શાહીબાગથી રાણીપ/ડી-માર્ટ તરફ જવું હોય તો:
શાહીબાગ અંડરબ્રિજ સર્કલ અથવા શાહીબાગ રેલ્વે બ્રિજ ઉપરથી
દધિચી બ્રિજ થઈને
વાડજ સર્કલ થઈને રાણીપ ડી-માર્ટ તરફ જઈ શકાશે.
વાહનચાલકોને વિનંતી છે કે આ ૫ દિવસ દરમિયાન વૈકલ્પિક માર્ગનો ઉપયોગ કરીને સહકાર આપે.
