સાણંદ: પ્રોહિબિશન અને જુગારની પ્રવૃત્તિઓ નાબૂદ કરવાની ઝુંબેશ હેઠળ સાણંદ ટાઉન પોલીસે રાવળ વાસમાં દરોડો પાડી જાહેરમાં તીન પત્તીનો જુગાર રમતા ૭ ઇસમોને ઝડપી પાડ્યા છે. પોલીસે તેમની પાસેથી રોકડ રકમ અને મોબાઇલ સહિત કુલ રૂ. ૧,૧૩,૫૨૦નો મુદ્દામાલ કબજે કર્યો છે.
ઉચ્ચ પોલીસ અધિકારીઓની સૂચના અને સાણંદ ટાઉન પી.આઈ. બી.ટી. ગોહિલના માર્ગદર્શન હેઠળ બનાવવામાં આવેલી ટીમે ખાનગી બાતમીના આધારે આ કાર્યવાહી કરી હતી.
અટકાયત કરાયેલા આરોપીઓ:
આકાશ પ્રતાપજી ઠાકોર (રહે. મોટો ઠાકોર વાસ, સાણંદ)
હર્ષદ જયંતીભાઈ ઠાકોર (રહે. મોટો ઠાકોર વાસ, સાણંદ)
ધર્મેન્દ્રસિંહ રાજેન્દ્રસિંહ વાઘેલા (રહે. ગોધાવી, સાણંદ)
યુવરાજસિંહ મહેન્દ્રસિંહ સોલંકી (રહે. નવો વાસ, સાણંદ)
સુરેશજી ગાભાજી ઠાકોર (રહે. નાળાની ભાગોળ, સાણંદ)
જીતેન્દ્ર અંબાલાલ ઠાકોર (રહે. ઠાકોર વાસ, સાણંદ)
રોનક અશોકભાઈ રાવળ (રહે. રાવળ વાસ, સાણંદ)
જપ્ત કરાયેલ મુદ્દામાલ:
રોકડ રકમ: રૂ. ૨૩,૫૨૦/-
મોબાઇલ: ૬ નંગ (કિંમત રૂ. ૯૦,૦૦૦/-)
ગંજીપાના: ૫૨ નંગ
સાણંદ પોલીસે તમામ આરોપીઓ સામે ગુનો નોંધી આગળની કાયદેસરની કાર્યવાહી હાથ ધરી છે.
