અમદાવાદ:
નવરંગપુરા વિસ્તારમાં આવેલ ઈશ્વર ભુવનની ગલીમાં કતવ્ય ફ્લેટમાં રહેતા મમિાબહેન બીજલભાઇ શેઠ (ઉં.વ. ૫૬) ના બંધ મકાનને નિશાન બનાવી અજાણ્યા ચોરે લાખો રૂપિયાની ચોરી આચરી હોવાનો બનાવ સામે આવ્યો છે. આ અંગે મમિાબહેને ગુજરાત યુનિવર્સિટી પોલીસ સ્ટેશન ખાતે વિધિવત ફરિયાદ નોંધાવી છે.
મળતી માહિતી મુજબ, ગઈકાલે તારીખ ૨૦/૧૦/૨૦૨૬ના રોજ સવારના ૧૦:૦૦ વાગ્યાથી સાંજના ૦૫:૨૦ વાગ્યા સુધીના સમયગાળા દરમિયાન મમિાબહેનનું ઘર બંધ હતું. આ સમયગાળા દરમિયાન કોઈ અજાણ્યા ઈસમે મકાનના દરવાજાનો નકુચો તથા તાળું તોડી ઘરમાં ગેરકાયદેસર પ્રવેશ કર્યો હતો.
ચોર ઈસમે તિજોરીનું તાળું તોડી તેમાં રાખવામાં આવેલ:
સોના-ચાંદીની લગડીઓ
સોનાના ડાયમંડ જડિત દાગીના
ચાંદીના વિવિધ દાગીના
રોકડ રૂપિયા ૨૦,૦૦૦/-
મળી કુલ રૂપિયા ૧૪,૭૯,૦૦૦/- ની કિંમતી મત્તાની ચોરી કરી ફરાર થઈ ગયો હતો.
સાંજના સમયે મમિાબહેન ઘરે પરત ફરતાં દરવાજાનું તાળું તૂટેલું જોઈ ચોરી થઈ હોવાનું માલૂમ પડ્યું હતું, ત્યારબાદ તેમણે તાત્કાલિક પોલીસનો સંપર્ક કર્યો હતો. ઘટનાની જાણ થતાં જ યુનિવર્સિટી પોલીસનો કાફલો ઘટનાસ્થળે પહોંચી ગયો હતો.
હાલમાં આ ગુના અંગે ગુનો નોંધી, આગળની વધુ તપાસ પોલીસ સબ ઈન્સ્પેક્ટર (PI) શ્રી એસ.આર. બાવા ચલાવી રહ્યા છે. પોલીસ દ્વારા આસપાસના સીસીટીવી (CCTV) ફૂટેજ મેળવીને ચોર ઈસમની ભાળ મેળવવાના ચક્રો ગતિમાન કરવામાં આવ્યા છે.
