દિવાળીના તહેવારો દરમિયાન ગુજરાત સાયન્સ સિટી (Gujarat Science City) પરિવાર અને મિત્રો સાથે વિજ્ઞાનની મજા માણવા માટેનું મુખ્ય કેન્દ્ર બની રહ્યું છે. વેકેશનની શરૂઆત થતાં જ સાયન્સ સિટીની તમામ ગેલેરીઓ અને ઇન્ટરએક્ટિવ પ્રદર્શનો (Interactive Exhibits) મુલાકાતીઓના ઉમંગથી ઝળહળી ઉઠ્યા છે.
પરિવારો અને ખાસ કરીને બાળકોએ અહીંના રોબોટિક્સ ગેલેરી, એક્વેટિક ગેલેરી અને નેચર પાર્કમાં વિજ્ઞાનની દુનિયાને નજીકથી જાણી અને માણી. મુલાકાતીઓએ માત્ર પ્રદર્શનો જોયા જ નહીં, પરંતુ તેમાં ભાગ લઈને વૈજ્ઞાનિક સિદ્ધાંતોને મનોરંજક રીતે સમજવાનો પણ આનંદ લીધો.
સાયન્સ સિટીના સત્તાધીશોના જણાવ્યા અનુસાર, દિવાળીના ઉજાસમાં વિજ્ઞાન અને જ્ઞાનનું સંયોજન કરવા આવેલા મુલાકાતીઓના કારણે અહીંનું વાતાવરણ ઉત્સાહપૂર્ણ બની ગયું છે. લોકો માટે આ વેકેશનમાં વૈજ્ઞાનિક મનોરંજન અને જ્ઞાન મેળવવાનું એક ઉત્તમ સ્થળ સાબિત થયું છે.
