બારડોલી, સુરત: રાજ્યની સ્ટેટ મોનિટરિંગ સેલ (SMC) પોલીસે સુરત ગ્રામ્યના બારડોલી નજીકથી કરોડો રૂપિયાના ડગ્સ સાથે એક યુવકની ધરપકડ કરી છે. ઝડપાયેલા આરોપી પાસેથી કોકેઈન, બ્રાઉન હેરોઈન અને અન્ય નશીલા પદાર્થો મળી આવ્યા છે, જેની કુલ કિંમત અંદાજે ₹1.16 કરોડ જેટલી થાય છે. આ કેસમાં અન્ય ત્રણ મુખ્ય સપ્લાયરોને વોન્ટેડ જાહેર કરવામાં આવ્યા છે.
રેડ અને જપ્તીની વિગતો
9 અને 10 સપ્ટેમ્બર, 2025ના રોજ મળેલી બાતમીના આધારે, SMCની ટીમે નેશનલ હાઈવે-53 પર, બારડોલી નજીક, ત્રન વલ્લા બ્રિજ પાસે સર્વિસ રોડ પર દરોડો પાડ્યો. આ દરોડા દરમિયાન, ઉત્તર પ્રદેશના કુશીનગર જિલ્લાના નૌમુંડા ગામના રહેવાસી અવનીશ સચ્ચિતાનંદ પાઠક નામના વ્યક્તિની ધરપકડ કરવામાં આવી.
પોલીસે આરોપી પાસેથી નીચે મુજબનો મુદ્દામાલ જપ્ત કર્યો:
કોકેઈન: 93.570 ગ્રામ (કિંમત: ₹93,57,000)
બ્રાઉન હેરોઈન: 46.560 ગ્રામ (કિંમત: ₹23,28,000)
અલ્પ્રેઝો ટેબ્લેટ્સ: 20 નંગ (કિંમત: ₹86)
મોબાઈલ ફોન: 1 નંગ (કિંમત: ₹3,000)
રોકડ: ₹1,120
જપ્ત થયેલા ડ્રગ્સ અને અન્ય વસ્તુઓની કુલ કિંમત ₹1,16,89,206 જેટલી થવા જાય છે.
વોન્ટેડ આરોપીઓ અને વધુ તપાસ
પોલીસની પ્રાથમિક પૂછપરછમાં, ઝડપાયેલા પેડલરે ત્રણ અન્ય વ્યક્તિઓના નામ આપ્યા છે, જેઓ આ ડ્રગ્સ રેકેટના મુખ્ય સૂત્રધાર છે. આ ત્રણ વોન્ટેડ આરોપીઓ નીચે મુજબ છે:
સુરેશસિંહ: ઉત્તર પ્રદેશના જુલનીપુર ગામનો રહેવાસી અને મુખ્ય સપ્લાયર.
અનિલ યાદવ: ઉત્તર પ્રદેશના સુકરાઉલીનો રહેવાસી.
મોહિત યાદવ: મહારાષ્ટ્રના મનોરનો રહેવાસી અને સપ્લાયર.
આ રેડ SMCના પીઆઈ સી.એચ. પાનરા અને પીએસઆઈ આર.જી. વસાવાના નેતૃત્વ હેઠળ પાડવામાં આવી હતી. પોલીસે એનડીપીએસ એક્ટની કલમ 8(C), 22(B), અને 29 હેઠળ ગુનો નોંધી વધુ તપાસ હાથ ધરી છે. આ મામલામાં વધુ આરોપીઓને ઝડપી પાડવા માટે પોલીસ દ્વારા કાર્યવાહી ચાલી રહી છે.
