ગાંધીનગર: ગુજરાતના પોલીસ વિભાગમાં આજે ફરી એકવાર મોટો ઉથલો જોવા મળ્યો છે. રાજ્યભરના પોલીસ સ્ટેશનો અને વિભાગોમાં ફરજ બજાવતા બિનհથિયારી પોલીસ ઇન્સ્પેક્ટરો (PI) ની મોટાપાયે બદલી કરવામાં આવી છે. પોલીસ મહાનિર્દેશક અને મુખ્ય પોલીસ અધિકારીની કચેરી દ્વારા જારી કરવામાં આવેલા હુકમ મુજબ, એક સાથે 518 જેટલા પોલીસ ઇન્સ્પેક્ટરોની જિલ્લા ફેર બદલી કરવામાં આવી છે. આ સામૂહિક બદલીના સમાચાર સાથે જ પોલીસ બેડામાં ભારે ચર્ચા જાગી છે.
આ અહેવાલ અનુસાર, સૌથી વધુ અસર અમદાવાદ શહેરમાં જોવા મળી છે. અમદાવાદ શહેરના વિવિધ મહત્વપૂર્ણ પોલીસ સ્ટેશનો અને વિભાગોમાં ફરજ બજાવતા 47 જેટલા PI ની બદલી થઈ છે. આ સિવાય વડોદરા, સુરત, રાજકોટ જેવા મોટા શહેરો અને વિવિધ જિલ્લાઓમાં પણ પીઆઈની લાંબી યાદી બદલાઈ છે.
જારી કરવામાં આવેલા સત્તાવાર પત્રક મુજબ, 518 પીઆઈની સામૂહિક જિલ્લા ફેર બદલી કરવામાં આવી છે. આ અગાઉ, થોડા દિવસ પહેલા જ 60 થી વધુ PI ની બદલી કરવામાં આવી હતી, જેને પગલે આજની આ મોટી કાર્યવાહી પણ ચોક્કસ હેતુઓ અને વહીવટી જરૂરિયાતોને ધ્યાનમાં રાખીને કરવામાં આવી હોય તેવું માનવામાં આવે છે.
આ સામૂહિક બદલીઓને ‘જાહેર હિત’માં કરવામાં આવી હોવાનું જણાવાયું છે. પોલીસ બેડામાં ચાલી રહેલી ચર્ચાઓ મુજબ, આ બદલીઓ પાછળ કાયદો અને વ્યવસ્થાને વધુ સુદ્રઢ બનાવવાનો અને પોલીસ સ્ટેશનના સ્તરે વધુ અસરકારક કામગીરી કરવાનો હેતુ હોઈ શકે છે.
અમદાવાદના 47 પીઆઈની વાત કરીએ તો, શહેરના મહત્વપૂર્ણ પોલીસ મથકોમાં ફરજ બજાવતા અધિકારીઓની બદલી કરવામાં આવી છે. આ ફેરબદલી બાદ શહેરના પોલીસ તંત્રમાં નવી ઉર્જા અને ઉત્સાહ સાથે કામગીરી થવાની અપેક્ષા છે.
ઉલ્લેખનીય છે કે, 518 PI ની આ મોટી સામૂહિક બદલી બાદ, હવે રાજ્યના અન્ય પોલીસ વિભાગોમાં પણ ફેરબદલી થવાની સંભાવના નકારી શકાય તેમ નથી. આગામી સમયમાં PSI અને અન્ય કક્ષાના પોલીસ અધિકારીઓની પણ બદલી થઈ શકે છે.
